हुनत आज खासै काम पनि थिएन । त्यसकारण एकैछिनमा अर्जुन भाइ आफ्नो स्टोक चेक गरेर निस्क्यो । अनि मैले हेर्ने मार्केट गयौ । म पनि आफ्नो स्टोक हेरेर छिट्टै निस्के । त्यसपछी हामी सरासर मरिना विच तर्फ लाग्यो । त्यहाँ पुग्दा साँझको 7:30 जति भैसकेको थियो । निक्कै मान्छेहरु अघि देखि नै पौडी खेलिरहेका थिए । कोहि माछा पनि मारिरहेका थिए । कोहि बोटिङ्ग गरिरहेका थिए । ठुलो ठुलो आवाजमा गीतहरु पनि घन्किरहेको थियो । मान्छेहरुको निकै बाक्लो जमघट थियो । हामी पनि त्यही भिडमा मिसिएर लगभग एक घन्टा जति पौडी खेल्यौ । केही क्षण भएपनि रमाइलो भयो । त्यही समयमा खिचिएका केही तस्बिरहरु ।
